The Big Ask
S.O.S clima é parte da campaña de cambio climático de Amigos da Terra Europa “The Big Ask” (www.thebigask.eu), que ten por obxectivo conseguir que a Unión Europea e os países miembros se comprometan a reduciren as emisións de gases de efecto invernadoiro nun 40% en 2020 e un 100% en 2050.
Para alcanzar esta meta os cidadáns e cidadás da UE poderán porse en contacto tanto cos seus representantes políticos como coas institucións europeas para lles pedir:
-Unha lei que faga posible cumpri-lo obxectivo de diminuí-las emisións ano a ano
-A presentación dun informe anual sobre as accións emprendidas para cumpri-los obxectivos -Asumi-las responsabilidades que fixe a lei en caso de incumprimento
A vantaxe de fixarmos obxectivos a curto prazo estriba en que os fai responsables ós políticos “de hoxe” do cumprimiento (ou non) deses obxectivos, feito que os obriga a actuar e lograr que se fagan realidade.
Ata agora 17 grupos pertencentes a Amigos da Terra emprenderon a súa campaña en Austria, Bélxica, Dinamarca, Escocia, Eslovenia, España, Finlandia, Holanda, Hungría, Irlanda, Italia, Letonia, Polonia, República Checa, Suecia e, por suposto, Inglaterra, Gales e Irlanda do Norte (EWNI).
En maio de 2005 o grupo de Amigos da Tierra - EWNI lanzou por primeira vez a campaña “The Big Ask” co obxectivo de lograr una lei de ámbito estatal que comprometese a reduci-las emisións de CO2 ano a ano. Desde entón máis de 200.000 persoas contactaron cos seus representantes políticos, conseguindo que dous de cada tres deles apoien esta lei. Isto supón un éxito formidable. Pero, en calquera caso, Amigos da Terra – EWNI non podería telo logrado sen o apoio de todas aquelas persoas que contactaron cos seus representantes políticos para lles pedir, simplemente, o apoio a esa lei.