S.O.S clima - Amigos de la Tierra

S.O.S. Clima estará presente no II Foro Social Mundial en Madrid, que terá lugar os días 23, 24 e 25 de Xaneiro, realizando o obradoiro: “Buscando solucións ao cambio climático: débeda ecolóxica, espazo ambiental e xustiza climática” que tratará sobre a campaña. Para ler máis información sobre o obradoiro preme aquí.

O FSMM’09 pretende estimular a reflexión e a acción colectiva a partir dunha democracia realmente participativa, polo que respecta ás dinámicas políticas, económicas e sociais actuais e propor alternativas que centren a atención nas necesidades do ser humano e no respecto á natureza.

As actividades principais en Madrid arrincarán co acto inaugural o venres 23, seminarios e obradoiros ao longo do sábado 24, asemblea de Movementos Sociais na mañá do domingo 25 e unha manifestación pola tarde. Todo iso acompañado doutros actos culturais, proxeccións audiovisuais, música e exposicións, así coma outros actos recollidos no programa do FSMM’09.

O obradoiro que realizaremos terá lugar o sábado 24 de Xaneiro de 12.30 a 14.30 no I.E.S. Lope de Veiga (C/ San Bernardo 70, Metro San Bernardo ou Noviciado) na sala 005.

¡Esperamos vervos alí!