S.O.S clima - Amigos de la Tierra

Thom Yorke e a súa banda Radiohead pasarán por España o vindeiro 12 xuño. A actuación celebrarase dentro do festival Daydream de Barcelona. O grupo británico convidou á organización ecoloxista na súa xira europea, que inclúe un programa de acción fronte ao cambio climático.

Ao seu paso polo continente europeo serán varios grupos de Amigos da Terra os que se unan para pedir aos asistentes aos concertos que actúen fronte ao cambio climático dando o seu apoio á campaña “The Big Ask”(“S.O.S. Clima” en España).

O ano pasado, Radiohead pediu que calculasen o impacto que as súas xiras producen no clima. Desde entón, Radiohead realizou un considerable esforzo para reducir as emisións da súa xira por medio do uso de sistemas de iluminación máis eficientes, o transporte dos equipos en tren ou barco, en lugar de avión, e o uso de materiais reciclados nos seus produtos promocionais.

A banda tamén está animando aos seus seguidores a utilizar o transporte público ou compartir coche para asistir aos concertos. As súas actuacións celebraranse en lugares próximos ao centro das cidades, xa que adoitan ser accesibles por varios medios de transporte, e están traballando cos organizadores para que ofrezan incentivos para que a xente deixe o seu coche en casa.

“Todo o mundo pode pór o seu graniño de area na loita contra o cambio climático” -nós estamos facendo o que podemos e animando aos nosos fans a facer o mesmo. É hora de que os nosos políticos contribúan, pois son os únicos que realmente poden axudar coas súas medidas. Por este motivo apoio The Big Ask e pido a cada persoa preocupada polo cambio climático que de tamén o seu apoio”. (Thom Yorke)

¿Queres ser activista da campaña ou membro da comunidade? PINCHA AQUÍ