S.O.S. Clima constrúe un dique contra o cambio climático
Activistas de Amigos da Terra construímos un dique con sacos de area no Templo de Debod de Madrid para denunciar un dos efectos do cambio climático que xa se están a producir en moitas partes do planeta e ameazando a miles de millóns de persoas.
O quecemento global está a producir o desxeo de grandes masas de xeo da Antártida e da capa xeada de Groenlandia. Os efectos son cambios no nivel do mar que poñen en perigo ás poboacións que viven próximas ás costas, ademais da salgadura da auga doce desas zonas, necesaria para beber e regar.
A subida do nivel do mar está a afectar a lugares como Bangladesh ou as illas do Pacífico Sur, pero tamén ameaza lugares próximos como a cidade de San Sebastián ou o Delta do Ebro.
Desde Amigos da Terra e a campaña S.O.S. Clima queremos denunciar que ao longo da historia os países enriquecidos fomos, e seguimos sendo, os principais responsables da meirande parte das emisións de gases de efecto invernadoiro que contribuíron a orixinar o cambio climático. É por isto que pedimos aos nosos gobernos que asuman esta responsabilidade e que actúen xa.
Xunto á acción do dique, lanzamos unha vídeo-acción na que enviamos a os nosos e as nosas representantes políticos, tanto a nivel nacional como autonómico, o clip da campaña “Actuade xa!“, para transmitirlles a urxencia de actuar.
Se queres apoiar a vídeo-acción preme aquí.
E se queres ver máis fotos da construción do dique preme aquí.